Ц.Баттогтох: Эрүүл мэндэд тустай экологийн цэвэр бүтээгдэхүүн

Сайн байна уу танд энэ өдрийн мэнд хүргэе.

Манай сайтын “Хан-Уулд үйлдвэрлэв” ярилцлагын буланд хүрэлцэн ирж өөрийн туршлагаа харамгүй хуваалцаж байгаад баярлалаа.

1. Та бизнэсээ хэдэн онд эхлүүлсэн бэ?

2010 онд Улаанбаатар хотод нүүж ирчихээд ажлынхаа хажуугаар дүү, бэр хоёртойгоо хамтаран үйлдвэрлэлээ эхлүүлж байсан. Үүний дараагаар Увс аймагт бүтээгдэхүүнээ үйлдвэрлээд хотод борлуулж эхэлсэн.

2. Бизнесээ эхлүүлэхэд тань ямар асуудал тулгарч байсан бэ?

Машин техник, тоног төхөөрөмжөөс гадна санхүүгийн бэрхшээл байсан.  Харин одоо бол үйлдвэрлэл жигдрээд ахуй амдралд ч нэмэр болж байна даа.

3. Таны эрхэлж буй бизнесийн онцлог давуу тал нь юу вэ?

        Манай бүтээгдэхүүн бол цэвэр экологийн бүтээгдэхүүн учраас эрүүл мэндэд тустай. Тухайлбал, цэвэр чацарганы тос нь ходоодны шархлаа, улайлт гээд дотор эрхтнүүдийг эмчилдэг. Мөн өтгөрүүлэгч бодисгүй, цэвэр жимснээс нь шахаж гаргаж авдгаараа онцлог давуу талтай.

4. Үйлдвэрлэлээ өргөжүүлэхэд тань тулгамдаж байгаа асуудал бий юу?

Жижиг дунд үйлдвэрлэл эрхэлж байгаа хүмүүст борлуулалтын төв байхгүй учраас энэ тэндэхийн үзэсгэлэн худалдаанд оролцож л бараагаа зарж борлуулдаг. Гэвч тэдгээр үзэсгэлэн худалдааны түрээс өндөр учраач ашиг багатай байдаг.

5. Та хувийн бизнэсээ эхлүүлэснээс хойш ямар үр дүн гарсан бэ?

Хүмүүст цэвэр байгалийн гаралтай бүтээгдэхүүнээр үйлчилж эрүүл мэндэд нь ашигтай сайн үйлс хийж байна л гэж бодож байна даа.  Мөн өрхийн орлого сайжирсан.

6. Таны бизнесийн цаашдын зорилго?

Үйлдвэрлэлээ хөгжүүлж дотоод, гадаадын хэрэглэгчдийнхээ итгэлийг олсон томоохон компани болох

7. Та ХУД ЖДҮДТ-тэй хэр хамтран ажилладаг вэ?

Сайн хамтран ажилладаг.  

8. Та цаашдаа ХУД-ийнхээ ЖДҮДТ-ийг ямар үйл ажиллагаа явуулаасай гэж бодож байна вэ?

Өөрийн гэсэн байртай болж борлуулалтын төв нээгээсээ л гэж бодож байна.