“АМАР БАЙНА УУ 2023” ҮЗЭСГЭЛЭН ХУДАЛДААНЫ НЭЭЛТИЙН АРГА ХЭМЖЭЭ ЗОХИОН БАЙГУУЛАГДЛАА

Нийслэлийн 9 дүүрэг, 21 аймгийн онцлог шингэсэн үндэсний үйлдвэрлэлийн бараа бүтээгдэхүүн, хувцас эдлэл хэрэгслийг нэгтгэж Нийслэлийн Засаг даргын Тамгын газар, Нийслэлийн "Жижиг, дунд үйлдвэр, үйлчилгээг дэмжих төв" НӨҮГ-аас “Амар байна уу-2023” үзэсгэлэн худалдааг энэ сарын 20-ноос 2 дугаар сарын 20 хүртэл зохион байгуулж байна. "Нийслэлийн Жижиг, дунд үйлдвэр, үйлчилгээг дэмжих төв” НӨҮГ зохион байгуулж буй “Амар байна уу 2023” ЖДҮҮ эрхлэгчдийн үзэсгэлэн худалдаа, хөрөнгө оруулалт хамтын ажиллагааны арга хэмжээний нээлт өнөөдөр боллоо.

Нээлтэд Нийслэлийн Засаг дарга бөгөөд Улаанбаатар хотын захирагч Д.Сумьяабазар, Нийслэлийн Засаг даргын эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн, Нийслэлийн Жижиг, дунд үйлдвэр, үйлчилгээг дэмжих төв НӨҮГ-ын дарга Г.Гангамөрөн нар оролцлоо. НЗД Д.Сумъяабазар үзэсгэлэн худалдаанд оролцож буй ЖДҮҮ эрхлэгчдийн бараа бүтээгдэхүүнтэй танилцаж, худалдан авалтаар дэмжин, нийт ЖДҮҮ эрхлэгчиддээ амжилт хүслээ.

САР ШИНИЙН ТӨВЛӨРСӨН ҮЗЭСГЭЛЭН ХУДАЛДААГААР ЗОЧЛООРОЙ

900 тэрбум төгрөгийг дотооддоо үлдээцгээе

Гадаадаас гарын бэлэг авахгүй

Үндэсний үнэнч хэрэглэгчийг бий болгоё