“ҮЙЛДВЭРЛЭГЧДЭЭС- МАЛЧДАД” АЯНД НЭГДЭХИЙГ УРИАЛЖ БАЙНА

Хан-Уул дүүргийн Жижиг Дунд Үйлдвэрлэлийг Дэмжих Төв аянд нэгдэж үйлдвэрлэл эрхлэгчид та бүхнийг энэхүү аянд нэгдэхийг уриалж байна. Улсын хэмжээнд нийтдээ 189.284 малчин өрхөд 58.405.061 тоо толгой мал байдаг бөгөөд үүнээс Нийслэлийн алслагдсан дүүрэг болон тосгодын 3346 өрхөд 326.017 тоо толгой мал бүртгэлтэй байдаг. Монгол Улсад сүүлийн 49 жил тохиогоогүй их хур тундас унаснаас үүдэн нийт нутаг дэвсгэрийн 80 гаруй хувьд цасан бүрхүүл тогтож, таван аймгийн 21 сум шилэн зуд, 17 аймгийн 89 суманд цагаан зуд, 17 аймгийн 82 сум, нийслэлийн 3 дүүрэг, 2 тосгонд зудархуу нөхцөл байдал үүсч,өвөлжилт хүндрээд байгаа билээ.

Та бүхэн дараах төрлийн бараа бүтээгдэхүүнээр АЯНД нэгдэх боломжтой. Үүнд:

Өвс, ногоон тэжээл, хивэг, хорголжин гэх мэт бүх төрлийн малын тэжээл

Нэмнээ, элгэвч

Хөнжил, гудас, дулаан хувцас

Хүнсний бүтээгдэхүүн

Лаа,шүдэнз, ахуйн хэрэглээний бүтээгдэхүүн

Ариутгал, халдваргүйжүүлэх төрлийн бүтээгдэхүүнүүд

Цас, мөс арилгах зориулалтын багаж хэрэгсэл гэх мэт зүйлийг дүүргийн Жижиг дунд үйлдвэрлэлийг дэмжих төвийн байр (Хан-Уул цамхаг 13 давхар, 1303А тоот) -нд хүлээн авч нэгдсэн байдлаар Нийслэлийн "Жижиг, дунд үйлдвэр, үйлчилгээг дэмжих төв" НӨҮГ-т хүлээлгэн өгөх болно.

#ҮЙЛДВЭРЛЭГЧДЭЭС_МАЛЧДАД